Pages

Wednesday 12 April 2017

शाल्मलीखालचा महादेव



सह्याद्रीतल्या एका डोंगराच्या पायथ्याशी 
एका उंच निष्पर्ण झाडाखाली 
जुनाट किरकिरं घर कोणाचं 
म्हणून पाहायला गेलो-
तर काय आश्चर्य म्हणून सांगू !

तीर्थक्षेत्री मोठमोठ्या मंदिरांमधून 
दुधाच्या, दह्याच्या  भडीमाराने
लॅक्टोज इंटाॅलरन्स झालेला महादेव,
अंगणात गुलाबी फुलांचा सडा टाकून
निवांत पहुडला होता आतमध्ये-
 जगावर पुष्पवृष्टी करत...

सह्याद्रीमंडळात या महादेवाची
अजून अशी किती घरं...
कोणास ठाऊक ...